عصفور وطار //عادل عبد الرازق

عصفور وطار
------------
بقلمي - عادل عبد الرازق
----------------------
ماقدرش اشوفك تاني
ولا تاني …
أقدر احبك واترسم
جوّه طريقك شوق وعشق
طفل الهوا اتوئد
لما رقد ..
شوقك خلف الحيطان
أنا كنت عاشقك رغم السكوت
أنا كنت حابّك حب موت
نورس في شطًك وحاطط
…
عشقك غريب الملامح
ولا حتى طارح .. طعم المرار
بيوت بيوت
لكن سكوت
وكنا وكان
الحلم له صوت
…
على قلبي عشقك
تقلت حموله
وامدّ أيدي
وفجري ماقدرش اطوله
…
مرايتنا نسيت وشنا
وماعرفش مين غشنا
إنتي …
ولاّ انا
مكسور يا مقداف
وانا قلبي ما خاف
غير لما شافك متغيّره
…
إ‘كسريني على دربي من تاني
بحّار وتايه في المواني
وابدريني حلم تايهة ملامحه
وساعات بدون دقايق أو ثواني
ضلّ الهدى .. ضلّني
وحتى بابي صدّني
خلّيني قوق ورقك
سطر متأخر عالهوامش
…
أتاري المدا مش ليّا
ولا عيونك كانت لونك
حاولت اجرّب الأسية
ماقدرتش ف مرّه إني اخونك
…
في الشرفة طيّرتك عصفور وطار
وقفلت القفص على دمعي
ولا مرّه أشواقي نسيتك
ولا مرّه خانت
يمكن عيونك بدّلّتني
غيّرتني
فرّقتني ..
في المسافة طفل ضايع
ولا صوته طالع ولا سامع
ولا حاسس بالديار
عصفور وطار
******************